Description
Mdzo wa meso?
Ewa, lilo su’ala mastaâdjaɓu maâna riɓauha pia izidhwamana zatru za umasiwa. Vavo uwana watru watsoka intrini, nahika karisina idjitihadi ya huwafikiria imeso ? Hufikiria imeso, iyo namna ya hutria âkilini na rohoni vwa uwana watru uwaratha wa iluha ile iwaruhusu wadjiungatse na iaswili yawo.
Mdzo wa meso, lini su’ala lilekeanao na imeso ya uwakazi wa zisiwa za latsiha hunu ɓahari-lihindi.
Shiyo shini shangihwa shiKomori na usho shivendze shike raɓuzi âlama ya muêshio vwamoja na uwandzani, zikao amba mada muhimu kaɓisa mbeli za umwangisi akao amba akentsiwa ni fikira nyengi za wakuruɓifuni wahe.
Mdzo wa meso, lini shaîri, ha mwiso, liruhusio msomezi mKomori akie ji, mkini, ji lahe, moni mwa iluha ya uwadzaɗe wahe.
